Ógleymanleg helgi í Mývatnssveit
Föstudagur
Hestamannafélagið Þjálfi efnir til hópreiðar á ísilögðu Mývatni kl. 16:30 í
tilefni af Mývatn Open 2013.
Einnig er dagurinn tilvalin fyrir slökun og gönguferðir um rómantíska náttúru Mývatnssveitar sem gæti endað með notalegu baði
í Jarðböðunum áður en haldið er heim á Sel - Hótel Mývatn.
Laugardagur
Tilvalinn dagur til að dekra við elskuna og njóta lífsins í Mývatnssveit og líta á Mývatn Open þar sem mikið
verður um flotta gæðinga.
Kvöldið verður svo í góðum félagsskap á hestamannahófi á Sel - Hótel Mývatni. Glæsilegt veisluhlaðborð
verður sett upp í tilefni dagsins ásamt lifandi tólist með þeim Stebba Jak og Ottó Páli fram á nótt.
.
Sunnudagur - Konudagurinn
Á konudeginum stendur Sel-Hótel Mývatn fyrir sagnagleði á konudag, fyrsta dag góu, þann 24. febrúar. Góðu heilli hefur sagnahefð á undanförnum árum verið að endurvinna sér sess í mannlífi sem hún sannarlega á að skipa. Í öllum því fargani miðlunarmöguleika sem í boði eru í samtímanum, þrívíddarbíói, sjónvarpi og bíó hefur vel sögð saga eitthvað sérstakt ómetanlegt gildi. Góður sagnamaður fangar áheyrendur og heldur athyglinni allt til enda. Á sagnagleðinni á konudaginn verða því tveimur góðum hefðum haldið á lofti. Annars vegar þeirri að halda upp á fyrsta dag góu og hins vegar sagnahefðinni.
Eiginmönnum, unnustum og vinum gefst þar tækifæri til að bjóða konum til skemmtunar og veislu. Það er ekki eingöngu andleg næring sem verður boðið upp á, heldur einnig veglegur „brunch“. Þetta er í annað sinn sem Sel Hótel Mývatn stendur fyrir hátíð af þessu tagi á konudag. Hátíðin sem haldin var fyrir ári síðan mæltist afar vel fyrir, þar komu saman fræknir sagnamenn bæði úr héraði og lengra að komnir. Fullt var út úr dyrum og sagnamennirnir glöddu gesti með sögum af ýmsu tagi í hátt á annan klukkutíma.
Meðal sagnamanna eru Jóhannes Sigmundsson, fyrrverandi kennari og ferðaþjónustubóndi Syðra-Langholti í Hreppum og Argrímur Geirsson, fyrrverandi kennari og bóndi í Álftagerði í Mývatnssveit. Við viljum hvetja konur sérstaklega að mæta í upphlut í tilefni af konudeginum. Allar konur fá gjöf. Mætum og höfum gaman saman.
Athugið að sagnaskemmtunin er í Félagsheimilinu Skjólbrekku og hefst kl. 12:00
Verð á mann kr. 2.900.-
Pantið tímanlega á myvatn@myvatn.is eða í síma 464 4164.
Konur fá glaðning í tilefni dagsins
Sel – Hótel Mývatn
