Ljótu hálfvitarnir í Skjólbrekku
föstudagur 21.mar.08 00:00 - Lestrar 2939
Í annað sinn á páskum mæta Ljótu hálfvitarnir til leiks á föstudaginn langa. Þeir verða með tónleika í Skjólbrekku á föstudaginn langa og byrja tónleikarnir stundvíslega kl. 22.30. Hálfvitarnir fara á kostum eins og þeim er einum lagið og er fólk hvatt til að taka kvöldið frá og bregða sér í betri fötin. Miðaverð á tónleikana er kr. 1.500. Tilvalið er að koma við í Seli áður en haldið er á tónleika og snæða þar kvöldverð.
Verð á tveggja rétta kvöldverði kr. 3.900 og á þriggja rétta kvöldverði kr. 4.900
Einnig er í gangi tilboð á gistingu kr. 8.500 fyrir tveggja manna herbergi.
Eftir að tónleikum lýkur verður barinn opinn í Seli.
